केहि मुक्तकहरु

म जिन्दगिको रखेल भएकोछु ।
न गोप्य नै भएकोछु ।
न खुलस्त नै भएकोछु ।

बाँच्ने रहर त पटक्कै छैन ।
मर्न पनि सक्तिन ।
आत्महत्या गर्न डर लाग्छ ।
कसै कसैको मायाँ लाग्छ ।
त्यसैले त बाँच्नै पर्ने कर लाग्छ ।

चीया पिउने पैसाले

तिम्रो मायाँ कहाँ पाउँछु र ।

कुरै पिच्छे तिम्रो व्यङ्ग

कहाँ थाहा पाउँछु र ।

भाग्यमा कुनै भरोसा मान्दीन

मरिगए तिमी बाहेक अरु छान्दीन ।

हरेक घटना हुनुभन्दा अगावै

पशुहरु चाल पाउँछन रे ।

म पनि पशु भैदिएको भए

तिमीले धोका दिनु भन्दा अगावै चाल पाउँथें ।

भोट माग्ने बहानामा

तिमीलाई भेट्न पाएँ ।

अब तिमीलाई भेट्न

अर्को निर्वाचन कुर्नुपर्ने होला ।

हिजो सम्म पो तिम्रो रखेल थिएँ ।

आज म तिमीबाट स्तन्त्र भएँ ।

तिम्रो मायाँमा खोंट लाग्यो

अर्कै सित पोईल गएँ ।

तिम्रो गर्भहरु तुहाउँदा पनि

मलाई स्विकार्ने आँट गरेनो ।

मलाई जिउँदै मारी आफू किन मरेनौ ।

यतिकादिन घर दैलो गर्यौं

 कुनै बहानामा मेरो सामु परेनौ ।

अरु त के कुरा एक कल फोन पनि गरेनौ ।

स्काईप र च्याटीङ्गमा पर्खि बसें

कुनै दिन पनि आफूलाई अनलाईन गरेनौ ।

अनलाईनै भएपनि कुनै भलाकुसारी गरेनौ।

जिन्दगिमा प्रेमको के भरोसा भयो र

प्रियतम भनि एकछिन मायाँ गरेनौ ।