अब त मान्छेको स्तर माथि उठेछ

अब त मान्छेको स्तर माथि उठेछ ।
पानीको ठाउँमा मिनरल वाटर भएछ ।
चीया गफको ठाउँमा कफि गफ भएछ ।
शफ्ट ड्रिङ्कको ठाउँमा हार्ड ड्रिङ्क भएछ ।
अब त मान्छेको स्तर माथि उठेछ ।

वास बस्ने ठाउँ पनि तारे होटल भएछ ।
बिहानको खाजा ब्रेकफास्ट भएछ ।
बिहानको भोजन लन्च नामाकरण भएछ ।
दिउँसोको खाजा टिफिन भएछ ।
साँझको भोजन डिनर भएछ ।
अब त मान्छेको स्तर माथि उठेछ ।

पाठशाला वोर्डीङ्ग स्कूल भएछ ।
जिउ नदेखिने लुगा पारदर्शी भएछ ।
राम्रो लुगा पनि च्यातीएको भएछ ।
समाचारदाता पनि अब जर्नालिष्ट भएछ ।
अब त मान्छेको स्तर माथि उठेछ ।
१० असोज २०७४