मेरो एउटा अनुभव

२८ बर्ष अघि अचानक पेटको दाहिने तिर असह्य पिडा भयो साथीहरुले नजिकेको नर्सिङ्ग होममा लगिदिए । डाक्टरले चेकगरे सर्जन डाक्टरले घोषणा गरे कि तत्कालै अप्रेशन गर्नुपर्छ । सम्झना भए अनुसार सिहिमाल नर्सिङ्ग होम थियो । मैले सोधेँ कति खर्च लाग्छ डाक्टरले भन्यो कि २५ देखि ३५हजार सम्म लाग्न सक्छ । मैले भने ओहो म सित त त्यति धेरै पैसा त छैन । डाक्टरले भन्यो त्यसोभए तपाई टिचिङ्गमा जानुस त्यहाँ धेरै कम खर्च लाग्छ । मलाई टिचिङ्गमा लगियो भर्ना भयो । जे जे भन्यो सबै परिक्षण भयो । आज आज भोली भोली भन्दा भन्दै १२ दिन पर्खियो त्यस पछि डाक्टरले भन्छ तपाईलाई खासै केहि भएको छैन वालुवाका कणहरु मिर्गौला निर भएकोले दुखेको हो । पानी बेस्सरी पिउनुस वालुवाहरु जान्छ । औषधी पनि लेखिदिए फर्केर घर आएँ । तर दुखाई अलि कम भएको थियो । 
२०४८ सालमा म डोटीमा काज सरुवा भएर गएको थिएँ त्यतिवेला कान्छो भाईको दुर्घटनाबाट मृत्युको खबर पाउँदा दपायल बाट नेपाल गन्ज आउने वेला नेपाली काँग्रेसका नेता गणेशमान सिँहज्यूको भाषण थियो । म आत्तीरहेको थिएँ । नेताज्यू आउनु भन्दा अगाडी मलाई अचानक पेट दुख्यो छटपटाएँ । सैनिक ले दया गरेर एक ईन्जेक्शन लगाईदिए । केहि सन्चो भयो । त्यसबखत गणेशमानज्यूलाई मात्रै चिनेको थिएँ ४ जनामात्रै यात्रु थिए म समेत ५ जना भयो । विमानस्थलका प्रमुख चिनेको साथी भएकोले मलाई टिकटको व्यावस्था गरिदिनुभएकोथियो । नेपालगन्ज आईपुगेँ तर भाईलाई भेटाउन सकिन ।
त्यो दुखाईलाई लागो भनियो फुकाई झराई भयो अरुलाई हानेको बोक्सी बाण झुक्किएर लागेको भनियो ।
फेरि केहि बर्ष पछि बैठक बसिरहेको वेला असह्य पिडा भएर म लडेछु र मलाई नजिकैको मवडेल अस्पतामा लगीयो । बेहोस भएर लडेको श्रीमतीलाई पनि थाहा थिएन । सबै जाँच भएपछि मिर्गौला बिशेषज्ञकहाँ पठाईयो एपोलो हस्पीटलमा । ८ एकसरे पछि बाट थाहा भयो मिर्गौलामा पत्थरी छ भनेर फेरि त्यहाँबाट डा असर्फि साह भएको एभरेष्ट नर्सिँह होम पठाईयो त्यहाँ पुगेकव भोली पल्टनै अप्रेशन गर्नुपर्ने बताए । अप्रेशन कसरी गर्ने पेट चिरेर गर्ने भए २५ हजार लेजरबाट गर्ने भए ४५ हजार । जे जसरी राम्रो हुन्छ गरौँ भनेपछि । पेट चिरेर गर्दा १ महिना वेडरेष्ट गर्नुपर्ने लेजरबाट गर्दा दोश्रो दिन मै डिस्चार्ज गर्ने । लेजरबाटै गर्ने नीधो भयो । अप्रेशन सफल भयो । त्यसताक म रेयूकाईकाे कर्मचारी भएकाेले मेरो उपचार रेयूकाईबाटनै भयो । त्यो उपचारको लागि कृतज्ञ भएँ र छु पनि । घर आएपछि १ हप्ता आराम गरेँ र नियमित अफिस गएँ ।
यसरी तत्काल अप्रेशन गर्नुपर्छ भनेको १२ बर्ष पछि भयो । कस्को कुरा पत्याउनु र न पत्याउनु । बाँचेर सँघर्ष गर्नुपर्ने रेछ र अहिले सेवा कार्यहरुमा छु ।
जय होस भवतु सब्ब मङ्गलम् ।