JIKUSA

२५ मंसीर २०६८, सुर्खेत
जिल्ला विकास समिति सुर्खेत अर्न्तगत आदिवासी जनजाती, महिला, दलित समन्वय समितिमा तीन जनालाई आईतबार मनोनयन गरिएको छ ।
नेपाल सरकार स्थानिय विकास मन्त्रालयको मन्त्रीस्तरीय निर्णय अनुसार सबै जिल्ला विकास समितिमा जिल्लास्तरिय महिला, दलित र आदिवासी जनजाती समन्वय समिति गठन गरी सोही समुदायका एक/एक जना उपाध्यक्ष मनोनयन गर्न निर्देशन दिएको थियो । सोही अनुसार आदिवासी जनजाती जिल्ला समन्वय समितिको उपाध्यक्षमा आदिवासी जनजाती महासंघका सचिव एकिकृत नेकपा माओवादीबाट टोपबहादुर दर्लामी उहाँ पूर्व उपाध्यक्ष पनि हुनुहुन्थ्यो महिला जिल्ला समन्वय समितिको उपाध्यक्षमा हरिमाया शर्मा, दलित वर्ग उत्थान जिल्ला समन्वय समितिको उपाध्यक्षमा ललित परियार र लाई मनोनयन गरिएको जिल्ला विकास समिति सुर्खेतले जनाएको छ । उनीहरुले आजै आईतबार एक कार्यक्रमकाविच पदभार ग्रहण गरेका छन् । उक्त अवसरमा जिल्ला विकास समिति सुर्खेतका निमित्त स्थानिय विकास अधिकारी ओमदत्त रेग्मीले बोल्दै महिला, उत्पीडित, आदिवासी जनजाती र दलित समुदायको विकासका लागि मनोनित उपाध्यक्षहरुले महत्वपूर्ण भुमिका खेल्ने बताए ।
यसप्रकार सरकार परिवर्तन संगसंगै बिभिन्न निकायमा पनि परिवर्तन हुने प्रकृयाले सम्बन्धित संस्थाको योजना अनुसार काम हुन नसकेको अवस्था रहेको देखिन्छ । समन्वय समिति नाम भएपनि आसा गरे अनुसार समन्वय हुन नसकेको अवस्था रहेकोछ ।