आफू स्वयम् गरि खान अवस्थाले हुन्दिएन
हाम्रो आवाज मरिगए यो राज्यले सुन्दिएन ।
झ्वाट्ट हेर्दा चट्ट देखिने टाउकाहरु गन्दैगयो ।
अल्पमतका अपाङ्गको गिदी सम्म गन्दिएन ।
हाम्रो आवाज मरिगए यो
राज्यले सुन्दिएन ।
आफू मैत्री नीति नियम आफै बनाउन मन
थियो ।
हामी जस्ता नेत्रहीनलाई सभासद चुन्दिएन ।
हाम्रो
आवाज मरिगए यो राज्यले सुन्दिएन ।
अपाङ्गता
सरुवा रोग झै सर्छहोला जस्तैगरि
ठेस
लागेर लडदा पनि हात सम्म छुन्दिएन ।
हाम्रो आवाज मरिगए यो राज्यले सुन्दिएन ।
सर्वहारा
निमुखालाई राहत दिने नीति ल्यायो ।
असहाय र
अपाङ्गलाई एक डोरी उन दिएन।
हाम्रो आवाज मरिगए यो राज्यले सुन्दिएन ।
दायां
बायाँ ठेस लागेर खाडलमा खस्नुपर्छ ।
हामी
मैत्री बाटो घाटो कहिं कसैले खन्दिएन ।
हाम्रो आवाज मरिगए यो राज्यले सुन्दिएन ।
कालोबजार आडम्बरी दिनानुदिन चर्किंदैछ ।
सहिसत्य
अपराधी साबित गरी थुन्दिएन ।
हाम्रो आवाज मरिगए यो राज्यले सुन्दिएन ।
आफू स्वयम् गरि खान अवस्थाले हुन्दिएन ।
सोमना खड्का ( दृष्टिबिहिनता)
No comments:
Post a Comment