आज
सुर्खेतमा शहीद दिवसको उपलक्षमा जि. बि. स. सुर्खेतको सहयोगमा नेत्रहीन सेवा
संघ तथा दृष्टिबिहिन हेरविचार केन्द्रका कलाकारहरुले शहीदको सपना अधुरो
भन्ने सडक नाटक मङ्गलगढी चोकमा प्रदर्शन गर्यो ।
त्यस पछि प्रहरीको एक
टुकडी र सरकारी कार्यालयका केहि कर्मचारीहरुको एक र्याली निस्केर जि. बि. स.को
सभाकक्षमा सभामा परिणत भएको थियो । स्थानीय विकास अधिकारी हीरालाल
रेग्मीको अध्यक्षतामा एवम् निमित्त क्षेत्रीय प्रशासकको
मूख्य आतीथ्यमा सम्पन्न भयो । तर यो शहीद दिवसलाई राजनैतिक
कार्यकर्ताहरुले नै कुनै चासो नदेखाएको स्पष्ट देखिन्थ्यो । प्रगतिशील लेखक
संघको आयोजनामा कबिता प्रतियोगितामा विजयी हुनेहरुलाई पुरस्कार
मुख्य अतीथिले वितरण गरेका थिए ।
उक्त अवसरमा रा.प्र.पा., नेपाल रा.प्र.पा., मधेशी
जनअधिकार लोकतान्त्रीक पार्टी, नेपाली काँग्रेस, नेमकिपा, राजमो तथा ए नेकपा
माओवादीका कार्यकर्ताहरुले श्रद्धान्जली अर्पर्ण गरेर औपचारिकता पूरा
गरेका थिए ।
No comments:
Post a Comment